Gall meddwl am adael gofal maeth godi braw. Yn 16 neu 18 oed, mae llawer o bobl ifanc yn y system gofal yn wynebu ansicrwydd am ble byddant yn byw a sut y byddant yn ymdopi. Mae Llety â Chymorth yn cynnig cartref diogel a chefnogol lle gallant ddysgu bod yn annibynnol heb gael eu gadael ar eu pen eu hunain.
Pam fod Llety a Chymorth yn bwysig
Pan ddaw lleoliadau maeth i ben, mae llety yn dod yr her fwyaf. Heb gynllun, mae rhai pobl ifanc mewn risg o ddod yn ddigartref, y bydd camfanteisio arnynt neu amgylcheddau tebyg i hostelau a llochesi i’r digartref; yn aml heb fod yn diwallu anghenion unigol pobl ifanc. Gall y sefyllfaoedd hyn arwain at chwalfa mewn addysg, cyflogaeth a iechyd meddwl.
Beth yw Llety a Chymorth?
Mae Llety â Chymorth yn wahanol i faethu. Cafodd ei gynllunio ar gyfer pobl ifanc yn eu harddegau hwyr nad ydynt angen rhianta llawn-amser ond fydd yn dal i gael budd o arweiniad. Mae’r lletywyr yn cynnig ystafell ac amgylchedd cartref cefnogol tra bod pobl ifanc yn deall sgiliau bywyd hanfodol tebyg i drin arian a choginio.
Mae’r sefydlogrwydd hwn yn golygu y gallant barhau gydag addysg neu edrych am gyflogaeth heb fod orfod gwneud penderfyniadau brys oherwydd diffyg lle diogel i fyw. Mae Llety a Chymorth yn rhoi seibiant iddynt gynllunio ar gyfer y dyfodol.
Effaith wirioneddol
Gwelsom ganlyniadau anhygoel. Dywedodd Carys, sydd wedi gadael gofal, bod teimlo ei bod wedi ei chynnwys ac yn cael ei deall wedi newid ei bywyd. Dywedodd: “Roedd bob amser yn help pan oeddent yn dangos empathi ac yn deall sut roeddwn yn teimlo.” Heddiw, mae Carys yn ffynnu a hyd yn oed yn fam faeth ei hunan. Gall Llety â Chymorth gynnig yr un teimlad o berthyn a sefydlogrwydd ar gyfer pobl ifanc sy’n barod ar gyfer annibyniaeth.
Pwy all fod yn lletywr?
Os oes gennych ystafell sbâr ac eisiau gwneud gwahaniaeth, gallech ddod yn lletywr Llety â Chymorth. Mae’r lletywyr delfrydol yn dangos empathi, yn hyblyg ac yn fodlon cynnig arweiniad heb ficroreoli. Nid yw’n rhaid i chi roi’r gorau i’ch ffordd o fyw, mae hyn am gefnogaeth, nid gofal llawn-amser.
Cymorth a thaliadau
Mae lletywyr yn cynnig cefnogaeth barhaus gan dîm maethu Sir Fynwy a thâl wythnosol (fel arfer £160). Mae pobl ifanc yn cyfrannu drwy fudd-dal tai neu’r Credyd Cynhwysol.
Cymryd rhan
Mae angen brys am fwy o letywyr Llety â Chymorth yn Sir Fynwy. Mae’r broses i ddod yn lletywr yn fyrrach a llai cymhleth na dod yn ofalwr maeth, gan ei gwneud yn ffordd hygyrch i wneud gwahaniaeth go iawn.
Os hoffech wybod mwy, ymunwch â ni yn y digwyddiadau sydd gennym ar y gweill neu ymweld â Maethu Cymru Sir Fynwy. Gyda’n gilydd, gallwn sicrhau nad oes unrhyw berson ifanc yn wynebu bywyd fel oedolyn ar eu pen eu hunain.
Agorwch eich calon, agorwch eich cartref. Cysylltwch â ni heddiw i ddechrau eich taith. Os ydych chi’n byw yn rhywle arall yng Nghymru, ewch at wefan Maethu Cymru, ble gallwch gael hyd i’r holl wybodaeth angenrheidiol am faethu ynghyd a manylion cyswllt ar gyfer gwasanaeth maethu eich awdurdod lleol.
